యోగా

పూర్వికులు ప్రసాదించిన యోగా
దూరం చేస్తుంది చాలా రోగా
ఫోటోల ఫోజు కోసం చేస్తాం బాగా
ఆ తరువాత మరువటం షరా మామూలేగా

వేసవి

వేసవి ఏమిటీ హతవిధి
జనాలు బయట తిరిగే దారేది
ఎండను తట్టుకునే శక్తి ఏది
'వాతా'వరణం కలుషితం వల్లేనా ఇది

వికారి నామ సంవత్సర ఉగాది శుభాకాంక్షలు

ఈ సంవత్సర ఉగాది వికారి
ప్రతీ ఒక్కరు అవ్వాలి పరోపకారి
దేశ శ్రేయస్సుకు కావాలి సహకారి
ప్రకృతి పరిరక్షణతో అవ్వు మమకారి

మహా శివరాత్రి శుభాకాంక్షలు

సమస్త ప్రాణకోటి ఆధారమయ్యా
మానవుడైన బైరాగివైన నువ్వేనయ్యా
నీ చల్లని చూపే మాకు చాలయ్య
ఎన్నో నామాలున్నాయి శివయ్యా
మరి రూపమేమో నీకు లేదయ్యా
శివకుటుంబం అందరికి ఆదర్శమయ్యా
నిన్ను కొలవలేనిదే ఉండేలేమయ్యా
పంచాక్షరీ మంత్రం జపిస్తే కరుణిస్తావయ్య

ప్రేమ మాటలు

నా కంట పడ్డావు
ప్రేమ పుట్టించావు
మనసు దోచావు
నా లోకి ప్రవేశించావు
ఆనందాన్ని ఇచ్చేసావు

నచ్చేనే నీ స్వరం
కలవడమే వరం
కలిపేను కరం
నీతోనే ఈ తరం

తపిస్తానంటున్న హృదయం
వేచిచూస్తామంటున్న నయనం
స్మరిస్తానంటున్న నాసికం
వింటామంటున్న కర్ణం
ప్రేమకోసమేనంటున్న పయనం

మకర సంక్రాంతి శుభాకాంక్షలు

రైతన్నల పండగ పొంగల్
గాలిపటాలతో నిండేను జంగల్
జరిగేను కోడి పందేలా దంగల్
చిన్నా పెద్దా అందరూ మింగిల్

ఓటు గురించి

డబ్బులకు లోబడద్దు
ఓటును అమ్ముకోవద్దు
ప్రలోభాలకు లొంగవద్దు
అభివృద్ధికి దూరమవ్వద్దు

ఓటు వేయడం హక్కు
వేయలేకపోవడం బాడ్ లక్కు
నీకిష్టమైన మీట నొక్కు
నేతలను ప్రశ్నించేందుకు ఇది చెక్కు