మాట - క్ర

జీవితమనే చక్రంలో

ఒడిదుడుకులు క్రమంలో

అడ్డుకోవాలి విష్ణు చక్రంలా

ఎదురు నిలబడాలి పరాక్రమంతో 

చంద్రయాన్ 3

ఇస్రో మీ వెంటే ఉంది భారతదేశం 

చంద్రయాన్ 3 కావాలి విజయవంతం 

శాస్త్రవేత్తల కృషి అవ్వాలి సఫలీకృతం

వెన్నెల పై రెపరెపలాడాలి త్రివర్ణ పతాకం 

సెల్లు - కళ్ళు

పట్టుకుంటే విడువదు ఈ సెల్లు

వ్యసనం కాకుండా మోగించండి బెల్లు 

మనకు ఉన్నవి రెండేగా విలువైన కళ్ళు 

అవి పాడైతే భాదపడాలి రేయింబవళ్ళు

రోజు

రోజుకో మలుపు తిరిగే జీవితం 

రోజూ ఎలా ఒకటేలా ఉంటుంది

రోజంతా ఆలోచించినా మారదు రాత

ప్రతిరోజును ఆస్వాదించు, ఏదో ఓ రోజు నీదే 

జీవితమే'ల'

జీవితమే ఓ ఊయల

ఆనందం ఉన్నప్పుడు హాయిగా కోయిలలా 

దుఖం అప్పుడు అవ్వడం ఖాయిలా

ఉండిపోరాదా బండ రాయిలా

ఏవీ పట్టించుకోకుండా ఉంటే నయమేల

పైసా

నేడు కావలసిందే పైసా

ఎవరికి ఉండదు ఆశా

ఎన్నో ఆటుపోట్లు చూస్తున్నా

బ్రతుకు పోరాటం చేస్తున్నా

ఊహా'లలు'

క'లలు' కళ్ళ ముందు కదలాడే

అ'లలు' గుండె పైన ఎగిసిపడే 

శి'లలు' గా మారిన రాళ్ళు తేలియాడే 

నె'లలు' పాటు నీ కోసం చూడబడే