ఆలోచన చెబి'తి'

ఏమో ఆలోచలన్ని అతి 

దారి తప్పుతుందా గతి

ఎటూ తేల్చుకోలేని మతి

ఎక్కడో తెలియని భీతి

ఎటూ అర్థం కాదు ఈ రీతి 

మాట

కొందరి మాటలు తూటాలు

మరికొందరి మాటలు పాఠాలు

వినసొంపుగా ఉంటే మధుర ఘట్టాలు 

లేకుంటే అవి తెస్తాయి తంటాలు

ప్రకృతి

అమూల్యమైనది ఈ ప్రకృతి

చెడగొట్టవద్దు వాటి ఆకృతి

పర్యావరణ విజ్ఞానం కావాలి జాగృతి

కొంతైనా ఆపుతుంది ఈ వికృతి

దసరా

దసరా వచ్చేరా

సంబరం తెచ్చేరా

పాలపిట్టను చూద్దాం

శమీ చెట్టును పూజిద్దాం 

అలయి బలయి అందాం

సుఖ సంతోషాలతో ఉందాం

మనీ

కొందరికి సంపాదిస్తే వచ్చే మనీ

మరికొందరికి మాత్రము ఓ గని

నేడంతా డబ్బుతోనే ముడి కానీ

బ్రతకాలంటే చేయక తప్పదు ఎదో పని

పదం పథం

కొంతమందికి కావాలి మనిషి

ఇంకొంతమందికి కావాలి 'మని'షి

కొందరికి చెప్పాలి నువ్వుంటే వెల్లువ 

మరికొందరికి చెప్పాలి నువ్వుంటే 'వెళ్లు'వ

బంధీ

నాడు సెల్లు లో బంధీ

నేడు సెల్లు తో బంధీ

ఎటూ తప్పదు బాదర బందీ

అవునేమో ఈ జిందగీ ఓ జుగల్ బందీ