కూ - koo app - social networking in regional languages

మీ'కూ' అంటూ ముందుకు వస్తోంది

మాతృభాష'కూ' వన్నె తెస్తుంది

తెలుగులో 'కూ'యిస్తుంది

'కూ'డకూడలా విస్తరణ చెందుతుంది 

కరోనా - జూన్ 2020

జూన్ వెళ్ళిపోతుంది

జులై కూడా వచ్చేస్తుంది

కరోనా ఎప్పుడు పోతుంది 

దేశాన్ని ఎన్నడు కాపాడుతుంది

కరోనా కుచ్ కరోనా

తుం సే దూర్ కరోనా 

పరేషాన్ నా కరోనా 

జిందగి బార్బత్ నా కరోనా

కరోనా మే -2020

ఈ నెల ఎంతైనా సాహస'మే'

ధ్యేయం కరోనాను తరిమికొట్టడ'మే'

లాక్డౌన్ ఎత్తేస్తారా అని చూడడ'మే'

తధ్యం కోవిడ్ వారియర్స్ ను అభినందించడ'మే'

గడ్డు ఆర్ధిక పరిస్థితిని ఎదుర్కొనడ'మే'

ఉద్యోగాలు నిలుస్తాయా అని చూడడ'మే'

అగ్ని పరీక్ష పెడుతున్న శార్వరి ని భరించట'మే'

మరో పక్క ఎండలు మండే కాల'మే'

మనిషి బాధలు భరించమంటే కష్ట'మే'

కరోనా - లాక్ డౌన్

కరోనా నీవల్లే మాకు గృహ నిర్బంధం

ప్రబలకుండా చేస్తున్న ప్రయత్నం స్వచ్చంధం

దూరంగా ఉంటేనే ఉంటుంది బంధం

తిరిగితే పడుతోంది లాఠీ దెబ్బ తోలు మందం

అంతర్జాతీయ మహిళా దినోత్సవం - 2020

ప్రణతోస్మి ఓ నారి 

జీవితంలో సగం నీవే సరా సరి 

పాత్ర ఏదైనా ఒదిగిపోతావు మరి

ఈ విశ్వమంతా నీతోనే ఉభయ కుసులోపరి

విరహం

అనుభవించటం నరకం

కళ్ళ ముందుంటుంది మారకం 

ఎవరో మరి ఈ విరహానికి కారకం 

తప్పించుకునేందుకు కావాలి తారకం

అమరావతి పోరాటం

ఏమవుతున్నది అమరావతి

భూమిలిచ్చిన వారి జీవనం తిరోగతి 

పాలకులకు మొండితనమే పరపతి

ఎవరు మారుస్తారో ఈ దుర్గతి