విరహం

అనుభవించటం నరకం

కళ్ళ ముందుంటుంది మారకం 

ఎవరో మరి ఈ విరహానికి కారకం 

తప్పించుకునేందుకు కావాలి తారకం

అమరావతి పోరాటం

ఏమవుతున్నది అమరావతి

భూమిలిచ్చిన వారి జీవనం తిరోగతి 

పాలకులకు మొండితనమే పరపతి

ఎవరు మారుస్తారో ఈ దుర్గతి

కాలేజీ రోజులు

అనిపించేది ఎందు"కా'లేజీ'

గుర్తుకొస్తుంది మా వి'లేజీ'

స్నేహితులతో ఉంటే మై'లేజీ'

ఇంతకీ ఏంటంటే మేము సో' లేజీ'

ఒక ఆలోచన

ఆశా నిరాశలలో లేదు అబేధం

దశా దిశల కూర్పులో లేదు విభేదం

రాత్రి పగలు కు తెలియదు ఖేదం

పుట్టుక గిట్టుక మధ్యలో ఉండాలి మోదం

ఓ ప్రేమ గాధ

ప్రేమతో కట్టుకున్న గూడు చెదరగా

భారంగా ముందుకు కదిలి వెళ్లగా

చేజారిన మనసును అడిగెను

ఒంటరిగా నిను వదిలి ఎలా ఉండగలను

గెలుపు - మలుపు

చెంతచేరిన ఓ గెలుపు
గెలుపుతో జీవితం మలుపు
మలుపులతో ఎదో అయ్యెను నలుపు
నలుపులు తాత్కాలికమనే తెలుపు

తెలుగు భాషా దినోత్సవం

తేట తెలుగు పలుకు
మాతృభాష తెలుగు తేనె లొలుకు

భాషావృద్ధికి మేలుకొలుకో
జాతి సంపదను కాపాడుకో